如果你地係中年人士，應該有D印象，好多年前來自英國的B&Q 香港MEGA BOX都有，應該係而家IKEA個位。
有興趣去以下網頁睇睇 https://zh.wikipedia.org/wiki/B%26Q
福田打的過去大約四五十蚊，羅湖去應該近D。落車後，位置就O係金海馬傢俱 (呢個都值得去行O下的) 對面，沿車路行入去。
我呢D港燦見識少，嘩~~~~~乜咁B&Q大既.....仲要有兩層。地下剩係牆磚地板都多到爆炸。好多唔同品牌，包括好多港燦講的馬可X羅，最重要係佢O下O下都砌一幅牆出O黎, 同之前去的建材市場細細塊咁揀完全兩回事。當然，價錢亦貴好多 (相信同樣品質都係比香港平的)。
我覺得睇睇無妨，尤其冇乜心水果時望O下個效果。
好多好多著制服的服務員會來招呼你。不過後來見我地HEA行都冇再理我地....
大到超市咁，真係同裝修有關的乜都有.....唔係幾件，係成道牆...
由於冇乜腳骨力，都係快D上上層睇潔具。
又要平又要驚假野，O係B&Q因為貪佢地有好多大路牌子，如toto, kohler, moen, american standard。不過，這裡是祖國，當然寫明祖國生產啦。
德國牌子HANSGROHE, 好多hkdiscuss的朋友o係德國訂番來。人仔899包廁所龍頭花灑龍頭等等。上海制同德國制當然差一截。不過，香港最平果個系列FOCUS兩件套，都係德國制....YAHOO拍賣好似11XX，門市約1900
呢個唔記得乜牌好似moen，不過689一定冇好野!
TOTO砌左成個廁所showroom出來。圖中面盆，我o係屯門VCITY個廁所用過，一樣的，不過VCITY開左有冇兩年???我見到就成排都花到爆。
係屯門的鳩嗚大媽用得太狠，還是TOTO品質問題，真係矛盾過矛盾大對決!!!
TOTO龍頭，真係有D心郁郁。香港的特價TOTO龍頭套餐，都要2180，也是強國制的。
不過!!!洗手盆龍頭，竟然搵暈都唔見有TOTO LOGO的......
係我睇漏定真係冇呢??!!即縮...
KOHLER竹紋櫃, 冇記錯連埋鏡櫃仲包埋馬桶特價4000人仔樓下。
在旺角都有呢個竹紋櫃。上面個盆唔係瓷的，不知是甚麼物料。
KOHLER 龍頭套餐，北京制
上層仲有賣燈賣傢俱的不過冇腳力再行了
落番下層睇面制，好多好多牌子，西門子、松下、施耐得，仲有金色灰色的系列，冇乜影相。但注意這兒是中國，英式電制面冇乜同埋好貴。
最後買了一個schneider 的番去試下o岩唔o岩位，9蚊人仔。
感覺上，d膠好似薄弱左d......
睇左D電制同電箱，後來都係O係香港買
-去了B&Q兩次，另一次國慶特價，唔少潔具有PROMOTION，好似買1000送150COUPON，如果想再抵D，留意O下佢網頁。
-關於保養，以TOTO為例，香港一年保養，當然都唔會上門維修，龍頭入面粒芯壞左都係比你自己換。香港最平套餐2180左右，也是國內做，不過出口的QC或者會好D。值唔值得番強國買999人仔，都係自己諗。
-其實仲有好多立雜濕星野可以睇O下，好似鋼絲刷平到兩蚊幾粒!!!吸味竹炭十幾蚊人仔一大包。在收銀處我買到2.5人仔一籃的衣夾。同我在淘寶買是一樣牌子的@_@ 怪不得一件包郵!!
-B&Q後面過了停車場仲有間麥法龍，的士司機勁推介我地去。原來係超市來的，賣好多入口食品 (當時對我地O黎講香港買更平又抵)，最抵死係佢地個冷藏食物部驚大家凍親有褸借比你著。其實對我O黎至係O岩O岩好適合人類活動溫度，國內25度空調直情係熱!!!
-除左廣場有大媽舞.....B&Q後面個停車場都有.......@_@
沒有留言:
張貼留言