冇錢就是任性.....大陸磚收貨

上"香港"某個討論區，一講大陸買磚，總會有好多"苦主"走出O黎話有幾唔好，有幾伏，跟住就叫你去新界某個區搵...........

我地呢D讀過書，考過會考 (睇男親女愛重播睇上腦!!!) ，緊係會分析O下啦。

加上冇錢就是任性，除非要買意大利貨或者對品質有至高無尚既要求，否則走一轉去旺角，大陸磚咪又O係大陸O黎。

價錢平左，當然會多左不穩定因素，咁有時真係吹O卑脹的。

就好似收磚呢單野....

第二次上去買埋廚房磚時有問公眾假期運輸送唔送，老闆娘話送的，咁就放心約師傅收。

點知，收到老闆娘WE CHAT.....
作死咩，改遲一日要番工點收貨呀?!! 

不過....這就是中國!!

好，後來攪了一大爛餐終於收貨。
據收貨人講，運輸有打電話來，但到步遲左成個鐘......OKAY FINE,香港會塞車嘛。
運輸到步後串柒柒話趕時間，快D簽收。
尾數同運輸費當然比佢，不過都當然贈佢一句....等都等左你成個鐘，你催我??

以下就係廁所廚房牆地同埋電腦牆的磚，不過都冇逐箱拆出來驗。
咁又當然有少少損耗的，但唔嚴重，同埋買果時都預多左。

後來睇BLOG有網友分享落單時要講明AAA 優等品，我地買果時冇經驗冇留意。
收到貨睇左幾箱唔同款，都係寫優等品。不過咁講，中國咁強大，如果有心坤你，紙盒寫乜都得啦。

後記:

-北上買磚伏唔伏? 乜都有機會有伏，如果真係好擔心，同埋冇乜時間跟麻煩野，就真係無謂為左一千幾百去煩惱，留港消費啦。或者繼續信XX討論區的推介....

-奸商當然有好多，唔排除有D專搵香港人笨。咁又要驚又要平，就緊係搵師傅帶你去OR 朋友買過的。